呂慧儀昨日以一身背心熱褲出席商場活動，對於出爐港姐的負面報道，港姐出身的慧儀坦言：「靚唔靚好主觀嘅，評判心目中覺得佢哋靚，而內在美觀眾又未必睇到，我都唔知點解叫佢哋做『豬扒』，其實近年嘅港姐質素都幾好。今年港姐同○六年好似翻版咁，因為三甲嘅號碼都一樣。」問到慧儀會否慶幸自己當選時冇受批評，她謂：「主觀批評我唔會太在意，批評你嘅人未必了解你。」
