黃瑩晒巨咪妄攝女自卑

妄攝三女Debby（曾麗儀）、Norain（陳麗玲）及Kinki（林玲），昨日與過氣港姐黃瑩為日式餐廳主持開幕儀式，四人以貴價吞拿魚王整壽司，以超低胸裝上陣的黃瑩不時俯身搶鏡，大晒35D巨咪，令Debby無奈自嘲身材不夠好。
黃瑩以超低胸裝亮相，巨咪即時湧現。
黃瑩以超低胸裝亮相，巨咪即時湧現。

提到同伴Cat（陳雅絲）被指根本冇參加會考，卻借來男同學的證書呃人，Debby表示不知道真相：「我有打電話畀佢，知佢有唔開心，點都會支持佢！（件事係咪真？）我冇問，會考壓力已經好大，最緊要係佢嘅心情。」問到會否怕被Cat拖累損形象？Kinki即劃清界線：「其實我哋係獨立發展，所以唔關事。」至於成功搶贏「峰」頭的黃瑩則表示已習慣性感：「性感冇問題，睇番工作需要。（拍寫真？）都好呀！睇吓有冇人搵我啦！」

妄攝三女與黃瑩齊齊整壽司。
  • 妄攝三女與黃瑩齊齊整壽司。