李彩華與王傲山情海翻波喊住呻
李彩華（Rain）與金融才俊男友王傲山（Marcus）拍拖，在圈中已是公開的秘密，有指兩人更達至談婚論嫁階段，但最近有消息指阿Rain與Marcus情海翻波，並已經分手，原因乃李彩華經常在內地拍劇，王傲山寂寞難耐，常與好友許志安夜蒲，並已另結新歡！李彩華更被指要搬屋，日前跟好友趙雪英行街睇樓。
趙雪英唔睇好
記者就此事致電趙雪英，她透露早已不看好兩人的感情，尤其是今年新年期間已察覺Rain與Marcus跟以前不一樣，趙雪英表示：「我之前由佢哋口中知道佢哋有計劃結婚，Marcus好錫阿Rain，但係今年新年嘅時候，我發覺佢哋有啲唔同，我都有提醒阿Rain，之後佢都有同我呻，仲有喊，（咁佢哋係咪分咗手？）我覺得係。（覺唔覺得王傲山識咗新女朋友？）都有咁嘅感覺。（咁阿Rain係咪要搵屋搬？）佢哋都唔係一齊住。」
內地專心拍劇
據知，王傲山追了李彩華兩年，之後拍拖，兩人久不久就嗌交，男方更多次提出分手，但最終都不了了之，至最近男方再度提出分開，但之後又沒有下文，最後阿Rain不想再糾纏下去，決定返內地專心拍劇，暫不談感情事。
文：影視組