間人得逞
橫間物是時裝潮流的Evergreen Item，更是今季的揀手貨。一眾女星也響應這股熱潮，為橫間風推波助瀾，藝人圈更已捲起橫間風暴，直逼全城，誰值人讚誰捧蛋，還看橫間迷陳刀逐一點評。
傅穎 襯出誘惑
些少跌膊令人有幻想空間，而且紅色間條可以着到個人好娘好師奶，不過佢完全冇師奶感，襯得好好，同下身的Leggings好Match，感覺好青春。
Jessica C. 照哈哈鏡
高腰褲令到成個人的比例短咗，上瘦下肥，而且間條上衣領位嘅設計，完全突出唔到身材。如果可以加番一條紅色粗皮帶感覺就唔同晒。
樂基兒 落街買餸
好街坊，冇任何Accessories，又踢拖，加件外套仔，呢個Look應該去街市買菜。不過條短裙個間條着得佢幾靚，盡顯長腿。
BENI 着出優點
件衫好特別好襯佢，顯得佢身材好好，不過佢條頸鏈太長，可以戴一條金色誇張嘅頸鏈襯番佢對大圈耳環。
泳兒 未盡全力
件衫太普通，着唔出星味，感覺求其咗，無咩襯托有啲寡。其實可以加番條黑色短頸鏈點綴一下，感覺會出嚟。
容祖兒 青春活力
祖兒着衫真係無懈可擊！第一適合，第二夠潮，第三靚！束起頭髮好有活力，一睇落去感覺好開心，件衫同對襪配合得天衣無縫，夠潮靚爆！
陳刀畢業於香港理工大學時裝設計系，後於城市大學修讀日本研究。創立個人時裝品牌，○三年舉行首個時裝展，曾替I Love You Boyz處男演唱會設計歌衫，為不少歌手做Styling，寫散文出過書。