廖碧兒及鄭嘉穎日前為新劇《居家兵團》拍咀戲，劇情講述嘉穎向碧兒表愛意主動索吻，最後激咀起來。
今次是兩人首次拍咀戲，碧兒因遷就角度錫足四次，她卻說沒有尷尬：「佢就唔知喇。（有冇feel？）當佢前輩咁囉，哈哈！佢年紀大我咁多，唔知佢鍾意咩女仔喎。（好唔好咀？）都OK呀！不過成套劇得一場咀戲，唔夠我之前同馬國明咁深入民心囉。」咀前碧兒一早為嘉穎帶定檸檬味香口珠，豈料他已有「私伙」士多啤梨味：「結果咀嘅時候兩隻味溝埋，好似生果籃咁。」
