景峰劃清界線唔睇Mia寫真

景峰（前名：錢景峰）與「模媽」女友Mia分手後專心讀書，最近獲華誼兄弟睇中，他亦利用暑假攻打內地電影巿場，處男演戲參與新片《蔡李佛拳霸天下》（暫名），並有機會一顯其武功底子。

「佢啲嘢我唔知！」

兩歲溜冰、六歲習武的景峰，十九歲之齡已集白鶴派及太極派功夫於一身，新戲會和好打之人洪金寶及杜宇航過招，與影壇新貴張靜初亦有對手戲，該片月底將移師北京舉行盛大記者會。

Mia被指姣溝前男友的好友。（資料圖片）

景峰與杜宇航在新片一較功夫。

景峰表示個多月前已往內地準備，日前更正式開始在廣州拍攝，至於其前「模媽」女友Mia被指在香港姣溝其好友，景峰說：「好少同佢哋聯絡，我成個月都喺大陸。（會唔會唔開心？）佢自己做自己嘢，佢啲嘢我唔知。（會唔會了解吓Mia係咪追你啲朋友？）唔會理佢啲嘢。」景峰直言沒有看過Mia寫真集，沒有想過幫襯。

杜宇航食正功夫熱

至於和景峰首次合作便要過招的杜宇航，大讚景峰年紀輕輕功夫不錯，並說：「佢好謙虛好有禮貌，功夫唔錯。」杜宇航表示自己亦食正功夫熱，《葉問前傳》後拍了數部功夫電影及不同廣告在洽談中，拍攝當天更有新加坡、馬來西亞及台灣媒體以電話進行訪問。