宋芝齡大搞韓式婚禮
近來不少藝人都愛自己創業，已升呢為韓語學校校長的宋芝齡（Angel）最近再展拳腳，提供到韓國拍攝婚紗照的服務，日前她更率先擔任模特兒親自到韓國試景。
Angel有感香港婚紗舖極多，惟有靠韓國特色取勝：「我哋會提供去首爾、大邱、釜山呢幾個地方影相，每個地方嘅特色都唔同，睇吓佢哋想影啲咩景。」
由於Angel是中韓混血兒，她表示自己的婚禮定必中韓合璧：「依家有隻新嘅韓服好唔同，大部分都會露膊，冇傳統嘅韓服咁侷促！」她早前亦特地飛去韓國學整結婚花球，她說：「韓式嘅婚禮多數都布置得好簡約，所以我整嘅花球顏色都唔會好鮮艷，希望個婚禮可以清而簡。」