泳兒學生時代見黎明

泳兒與師弟洪杰前晚現身馬鞍山一間中學出席晚會，她表示羨慕香港學生經常有機會在學校看到歌手表演，一嘗「追星」的滋味，她說：「我喺新加坡讀書冇呢類活動，唯一一次係黎明去過我學校，我仲記得當時佢戴住黑超，一除低就全場尖叫，（搵佢攞簽名？）冇啦，我畀啲同學逼到最後排，乜都見唔到。」泳兒表示近年經常獲邀出席校園巡迴，而在美國長大的洪杰表示讀書時代只會期待體育堂跟運動會，他印象中學校有邀請過奧運選手到校分享經驗，令他十分難忘。