陳敏之做妓女 男士喪瞄

陳敏之昨日到深水埗拍攝無綫新劇《怒火街頭》，劇情講述飾演妓女的她，為助警捉賊而被撞倒地。為配合角色，敏之不惜犧牲色相，在鬧巿中以性感低胸背心、熱褲打扮上陣，並趴地拋胸晒腿「瞓身」拍攝，吸引數十名男士圍觀喪瞄及拍照，期間有男士更對敏之評頭品足謂：「條女咁×高！」

懶理批評

面對大批男士圍觀拍攝，敏之表示感到有點不自在，她說：「真係有啲唔自在，因為比較性感，不過都安全嘅，因為有好多工作人員喺度。（擔唔擔心走光？）做足安全措施，拍嘅時候唔諗咁多嘢，投入角色。（介唔介意畀人評頭品足？）我EQ好高，就算聽到都當聽唔到，我哋做得呢行要慣啦，平常心面對。」

飾演妓女的敏之，為助警捉賊而被撞倒地。

陳敏之俯身時身材盡現。

做足準備

此外，為拍此劇，敏之除了要性感打扮外，又要拍攝被摸腰、摸大髀及強姦等大膽鏡頭，她表示：「第一次做妓女角色，為咗做好呢個角色，事前都有做準備工夫，睇咗好多電影，而且我又去過砵蘭街、深水埗睇過，學習性工作者嘅打扮同神態。」

文：影視組