決定產後復出 老爺贊成

年紀輕輕已成為影后的張栢芝，自為人母後已絕迹幕前，不少前輩級對此深感可惜，當年造就栢芝成影后的爾冬陞導演，曾表示諗定劇本待她復出，而同是影后的鮑起靜，亦曾於訪問中大讚栢芝，若然不再當演員實在有點浪費。其實臨盆在即的栢芝已滿腦子計劃，準備於產子後全面復出，故有意於坐月後狂做運動修身，待遇上適合工作便扑錘開工。
栢芝產後會盡快修身，遇到合適工作便扑錘開工。
栢芝產後會盡快修身，遇到合適工作便扑錘開工。

謝賢對於新抱仔計劃復出亦大表支持：「睇佢自己意願啦！有興趣咪做囉！栢芝本身係演員，有好劇本做就得，佢都湊仔湊咗咁耐，復出係好事，最多第時我幫手湊，冇問題，我最錫係佢，佢做咩都支持。」栢芝曾表示要生夠五個小朋友，謝賢指多少不是問題，只要她喜歡便滿足，問到霆鋒是否已停工陪栢芝待產？謝賢謂：「應該啦！老婆生仔，呢啲唔使我教啦！唔識就真係兜巴星埋去，不過阿仔真係成熟好多！」

謝賢坦言栢芝喜歡做甚麼都會全力支持。 （資料圖片）
  • 謝賢坦言栢芝喜歡做甚麼都會全力支持。 （資料圖片）
爾冬陞度定劇本待栢芝復出。
  • 爾冬陞度定劇本待栢芝復出。