攤喺椅想喊

焦媛雖然不只一次在舞台上作大膽演出，但與四個男人糾纏，算是歷來最大膽的一次，問她能否接受多P關係？焦媛說：「我絕對唔得，排呢段戲時好唔舒服、想嘔、唔enjoy，做完我攤喺張椅上好想喊，但為咗反映角色靠男人上位，呢段戲係有需要。（唔怕男友高志森唔鍾意？）佢未睇呢場戲，但我諗我開心佢就會開心。」

唔會嘴藐藐

江青的形象向來深入民心，焦媛會否學她瞪眼嘴藐藐模樣？她說：「唔會刻意去扮，因為唔係模仿比賽，觀眾要睇江青個樣可以上網睇，我只係表現佢嘅心態。」今次焦媛需演老年江青，時而在回憶中變回十多廿歲，沒有化妝、服裝協助下，焦媛純靠演技來表達，認真考功夫。

此外，首次參與舞台劇的羅仲謙說：「個劇大膽程度我覺得OK，效果最緊要，摸邊度、掂邊度，同焦媛夾過晒。（怕摸錯？）摸錯都照做，停咗會影響情緒，但錫就唔輪到我。（怕高志森唔鍾意？）冇諗呢個問題，我最緊張係點樣兼顧感情戲。」

文：影視組