尹子維向來緋聞多多，即使早前與貝安琪在夜店激吻斷正，仍堅決否認戀情，更表示視貝安琪為妹妹，昨日尹子維與孫耀威、羽翹、莊思敏等現身活動，雖「狹路相逢」新舊緋聞女友貝安琪與楊淇同場，仍繼續保持淡定風範，全無避忌分別與兩女合照，又在主持人提問下於兩人前公開擇偶條件，未知是否有意放貼士，整個活動上尹子維與新歡貝安琪表現友好密密斟，但似乎略為冷落舊愛楊淇，相隔離行離列外，全程只閒聊兩句。

尹子維（箭嘴示）與貝安琪（右）在啜爆事件後，首度在公開活動中踫頭。

曾是尹子維緋聞女友的楊淇亦在同一場合出現。

有備而來

「啜爆事件」後「維貝」首次同場，兩人默契搭夠，為將來撻着留伏線，貝安琪表示暫時未有發展可能，尹子維就得戚說：「當然啦！他日都唔清晰，唔可以講冇可能。」尹子維更毫不在意與貝安琪啜爆後同場，他說：「冇尷尬，多謝主辦單位畀機會我見班舊朋友，好似Ankie、楊淇、孫耀威咁。（事後首次同場？）公眾活動係，私底下都有搵，如果避忌點解我要嚟，又唔係唔知佢嚟。」當尹子維接受訪問時，貝安琪更坐近附近位置，同表示未感尷尬的她說：「其實唔係好知同場，尋日佢有講過一齊做嘢，唔係拍拖。（又咀？）件事過咗喇！」

聖誕送禮

至於尹子維早前表示記者話題離不開圍繞貝安琪大感沉悶，她「夫唱婦隨」說：「兩個都覺得悶，夠喇！」此外，尹子維計劃送聖誕禮物給貝安琪，她表示若收到會感有心，但未打算回禮，聖誕將不預尹子維：「唔會一齊過。（約咗第二個男仔？）唔係，之前講咗同德國朋友過。（叫埋一齊？）你想佢嚟咪幫我問佢囉！」面對新歡一句「有心」尹子維帶笑說：「有心係應該，做朋友梗有心。（送咩？）唔知喎！講咗你（記者）知，咪冇驚喜。」

文：音樂組