張學友對碧兒化身成醜女，大讚化裝技巧了得，他要花一分鐘才在腦海還原她本來的面貌，問學友可有被志偉糟質？他笑笑說：「本來靚靚（指袁詠儀）係演我老婆，開拍前變咗志偉老婆啦！呢啲咪以權謀私囉，尋晚知道有我，仲加咗場淋墨水嘅戲畀我，冇辦法，佢係監製又係導演，我惟有反省下係咪得罪過佢，就連靚靚都問點解佢轉咗做志偉老婆，可能開鏡嗰日，我話志偉唔會夠我爭，佢呷醋啦！」

化妝花時

碧兒的醜女造型，原來每次要花個多小時化妝，除大哨牙外，還要在眼皮上黐膠紙，鼻孔都要塗黑，又要多着兩件厚衫扮肥，但她卻覺得自己好靚：「頭先見到學友，佢哋望住我，都認唔出我個樣，好得意，（辛苦？）可以藐嘴都冇人覺。（驚唔驚影響靚女形象？）我一向都畀人自然嘅感覺。」

友情客串

據監製兼導演的志偉透露，電影要趕在農曆新年跟大陸同步上映，故12月7日前必須完工送檢，稍後會在邵氏搭建有史以來最大的廠景。由於影片演員眾多，志偉已碌爆友情白金卡：「搵咗許志安、蘇永康、張衞健等客串，今次我地嘅宣傳，會勁過《Laughing Gor之節》五倍。」

此外，有份客串的黎耀祥，一身浪人打扮，他在戲中飾演漫畫書店老闆，常以不同造型招徠，談到片酬，祥仔笑言身為無綫演員，難得有份參演公司電影，當然收平啲啦。

文：影視組