阿嬌前晚着上黑色背心連身裙，貼身長褲加長boot全黑造型拍攝電器店廣告，十足一位「現代版」的女殺手，在導演要求下在天橋上擺出多個型爆動作，不時露出性感的小蠻腰，力證修身成功，阿嬌竟自爆是「裝假狗」，令全場嘩然，她笑言：「其實我啲手指係裝假狗，因為我本身隻手太細，對手套唔啱戴，要塞好多紙巾入去，所以拎啲電子產品都要小心啲，唔可以穿崩！」

阿嬌展露小蠻腰證實修身成功。	阿嬌自爆因手套太大，要塞滿紙巾在內。	工作人員為阿嬌執到正才出鏡。

想買大電視

阿嬌表示今次是入行後首次行天橋，由於腳踩高踭鞋，令她十分雞手鴨腳，而她十分滿意今次的酬勞，想趁機會攞折扣買部大電視，被問到「慾照事件」後會否抗拒拎DV拍攝，阿嬌說：「唔會，電器嚟㗎嘛，間電器店有咩咪拎囉，不過頭先拎住部兩萬幾蚊嘅電話，真係幾大壓力。」

力撐蔡卓妍

提到明年Twins重組為英皇十周年音樂會演出，阿嬌說：「我未收到公司通知，唔知要表演啲咩，（緊張？）都會嘅，不過一直都有keep住學跳舞，應該應付到，（蔡卓妍單拖去頒獎禮？）我會支持佢，睇電視囉！」

採訪：音樂組