宣萱、徐子珊及何守信（何B）昨日出席無綫特輯《活著》記者會，何B坐住輪椅由兩女合力推上台，已康復的他更起身行來行去，康復九成的他說醫生謂稍後可以緩步跑，過多一、兩個月就能做運動。
由於非洲人通街「大小便」，宣萱亦初嘗在大自然解決：「人生第一次喺大自然大解，真係好開心，因為太曬同熱，揸住把遮遮住自己。但去得好緊張，驚野生動物走出嚟。（月事到會好麻煩？）所有女士出發前已經處理好，行程係唔可以出現，告假三星期。」
另外，子珊前晚身穿紫紅色連身裙出席亮燈活動，因突然落雨令一眾嘉賓非常狼狽，子珊慶幸不是穿白色衫，否則就透視。
