昨日余文樂出席尖沙咀舉行的Chocoolate X Bathing Ape推出限量版Tee發售活動，即場還有大抽獎，幸運兒有幸獲得余文樂與Nigo親自印製的Tee，可惜余文樂在印製其中一件時失敗，圖案不完整，他面露尷尬之色，場面搞笑。

新片拍徐熙媛

余文樂剛與楊千嬅拍畢電影後，即投入吳宇森的新戲《劍雨江湖》，戲中更與楊紫瓊及徐熙媛做對手戲，還透露戲中要大展身手，他說：「我喺戲中都有打鬥場面，我都打得幾勁。（好辛苦？）唔會，最辛苦係黐頭套，因為我好易敏感，黐到成個額頭都係粒粒。（點解唔剃光頭？）我仲要拍另一套戲，唔可以剃，我已經盡剃㗎啦！」記者笑他戲接戲，豈不是賺到盆滿缽滿？他默認：「托賴！（冇時間拍拖？）我都好想拍拖啊！」

未見過熊黛林

問到有否留意好友郭富城終於拒認緋聞女友王秀琳時，他笑說：「我啱啱喺上海返港，真係唔知喎！（熊黛林又攻城？）我都未見過熊黛林，真係唔知！（有冇同城城慶祝生日？）冇啊！但有打電話畀佢，因為我病咗！」

文：名人組