酒逢知己

真係笑料，嗰日過澳門搵囡囡做訪問，去到×龍夜總會，媽咪三句唔埋就拉囡囡入房畀我影，望望吓，點解有其中一個叫冰冰嘅囡囡，晏晝四點幾，成身酒氣兼腳步浮浮，究竟阿妹係未瞓醒定飲醉咗先？好在冰冰仲知道我問佢乜，阿妹解釋：「酒逢知己千杯少，尋晚遇到個客，喺房玩通宵，之後大家瞓醒本來諗住走頭，點知個客話我夠玩得，同我又再飲過！家陣啲酒氣都未過囉！」嘩！PR嚟講冰冰你都算鍾意劈喎？「咁又係呀，事關我入行都係為咗飲酒，兼且又鍾意識新朋友，若然唔係，我就唔做呢行啦！」

想做媽咪

冰冰個人真特別，竟然會為咗飲酒同識朋友而做呢行，不過，係都唔好大聲講出嚟吖！「怕咩喎，我確係鍾意嘛，如果人客上到嚟齋噏，咁我不如返屋企啦！」嗱，阿妹你要對自己講嘅嘢負責任呀！但話時話，剛才你自稱愛劈酒交朋結友所以入行，咁點解唔去做酒吧拳手而做PR呢？「哦，好簡單啫，有酒精催化，飲大兩杯自然想發生關係，雖然做拳手都得，但冇咁名正言順囉！係咪？再者，我由細至大都好享受做『媽咪』呢種工作，好似大家姐咁照顧囡囡，做夜場媽咪係我嘅志願嚟架！」原來有人以做媽咪為志願，講都冇人信！

要搵老細

冰冰妹可謂循序漸進，理想係擁有一間夜總會，志願做媽咪，又甘願從低做起，阿妹嘅態度，真令人佩服。之不過咁飲法，我怕你好快殘喎？「你又啱呀，晚晚又劈又砌，真係好傷身架！所以現階段想盡快搵個『老細』照顧，咁就唔使再飲，話唔定仲可以打本畀我開夜總會添！」講到尾都係搵老細，仲以為冰冰你咁有大志添！

冰冰小檔案

年齡：20歲

三圍：34、24、34

身高：5呎4吋

撰文：祖

攝影：強