昨日周秀娜（Chrissie）出席「亞洲博客暴樂祭」活動，她自言只讀到中五，文筆不好，故很少寫網誌。早前出席大學講座答非所問、被指學識不足的Chrissie，問到會否寫blog展示才華時，她笑言：「唔會啦，唔通寫首歌詞咩！」
早前Chrissie被拍得與男朋友購買家品，問到是否打算同居？Chrissie說：「係買張新床，舊個張爛爛哋。（點解唔買雙人床？）未有錢買新屋一齊住，依家唔夠位。」她又指男友經常到其家吃飯，問到有甚麼下文時，Chrissie笑言：「散步囉！（有冇過夜？）唔話你知，我買單人床就係杜絕佢喺度過夜。」
