早前頻頻寫錯字的「才女」鄧麗欣（Stephy），自言其個人blog受媒體高度重視，為免再被狠批，承諾會認真處理，以免教壞學生。對於「死敵」傅穎（Theresa）於blog上晒英文，Stephy則不認同，認為是大家諗多咗。
Stephy與官恩娜前晚現身「亞洲博客暴樂祭」活動。向來有寫blog習慣的Stephy，會寫下生活逸事、散文等與大眾分享。曾被喻為「才女」的她，繼其著作錯字連連後，就連寫blog亦屢被發現文筆差，一句簡單英文文法也未達水平。
傅穎信任律師
Stephy坦承為免再受批評，日後寫文章會更加小心。她說：「以前覺得寫blog係寫私人嘢，但依家好多媒體留意，尤其打字方面我會更加小心。（係咪驚會教壞學生？）係囉！要正經同認真啲，不過我唔會將私人感情寫上去。」
有報道指Stephy與同樣愛寫blog的傅穎經常「隔blog互寸」，Stephy對此否認：「可能大家當時有事發生，先令媒體對號入座。blog唔係英文就中文，我唔會咁諗。（咁你哋係咪用blog溝通？）唔會，又唔係MSN。」Stephy於活動上與舊隊友楊愛瑾碰頭，兩人隨即寒暄一番兼大方合照，表現友好。
Stephy的「死敵」Theresa昨日與狄易達出席電台活動時，對於被舊公司金牌大風入稟控告，以及被指身價不值百萬，她指現時非適當時候解釋，但會對其專業律師投信心一票。她又稱近期的是非令她吃不消，希望大家專注其工作。
小方力撐公司
另外，方力申以嘉賓身份出席另一活動，向國家運動員頒發「Philip Stein水晶醒酒棒」。對於公司金牌大風將與Theresa對簿公堂，小方不希望雙方對簿公堂，但若然「成事」真的要打官司，他必定支持公司。
文：影視組