軒仔昨日與Kenny應邀出席詠春活動，同場有《葉問前傳》的演員黃又南、樊少皇、元彪、馬賽及陳煒等，軒仔、Kenny事前分別抽空學了詠春十式，活動進行期間兩人要企足兩小時兼暴曬，難怪他們紮馬時均腳震震！事後Kenny說企到腳仔軟，頻頻說：「好攰。」而軒仔則自爆缺乏鈣質，自覺表現少少獻醜：「第一次參加呢類型活動，馬步紮得唔夠穩，腳軟軟。」

軒仔（右）對Kenny說：「你學好功夫先同我切磋啦！」

陳煒

狀態差諗多咗

Kenny的狀態雖然也是麻麻，但原來四年前他已跟冼國林師傅學詠春，問Kenny會否同軒仔切磋？他卻「諗多咗」高呼：「嘩，好鹹濕，覺得呢兩個字好鹹濕！」場面搞笑。身為好友的軒仔見狀即替Kenny打圓場，笑說：「等佢學好啲先啦，師傅對我哋期望好大，叫我哋代表香港出賽。」

軒仔調戲黃奕

談到有份參與電影《葉問前傳》，軒仔說：「我演一個風流倜儻嘅鹹濕公子，要鹹濕黃奕。」Kenny則自言是「迷途羔羊」，因為他未知自己的角色是甚麼，笑說：「冼師傅梗安排個畀人打的角色畀我，事關四年前跟師傅學詠春，之後我曳，半途而廢！」無論如何，他感激師傅教他功夫又預留角色給他。

文：名人組