昨早十時半，側田和八仙嶺火災生還者兼十大傑出青年張潤衡結伴出席活動，與現場一班中小學生作分享，又即場回答學生們的提問，其中一名女學生手拿寫有問題的A4紙向側田發問說：「你對你同曹格打交呢件事有咩睇法？」側田聞言即反問該女學生：「係咪記者朋友叫你問？」令該女生呆在當場。

之後大會安排一名男同學向側田致送「忍」字字畫，他話中有話表示：「我忍得好厲害，依家都喺度忍！」其後眾嘉賓到台下跟學生們影大合照時，側田剛好坐在向他發問的女學生前面，側田聲稱對方承認有記者叫她向側田發問，但該女生連忙說：「唔係！」有記者即說：「你唔好屈呢位學生！」更要求側田道歉，助手即拉他離開現場避傳媒，數分鐘後側田再度現身，卻扮講電話逃避記者追問。

女學生拿着寫有問題的A4紙，似是有備而來。

放大圖片

同曹格冇聯絡

事後側田召集部分傳媒到其公司開記者會，他甫坐下即表示：「我今日只係針對一位記者，我冇指控佢任何嘢，我只係問個學生係咪記者叫佢咁問，但個記者失晒控，好惡叫我道歉！」側田堅持該名學生向他承認是記者着她發問，又表示活動是個Talk Show，自己亦半帶講笑，問他是否有人需要道歉？側田謂：「對方唔需要道歉，我亦唔需要道歉！」

對於有傳曹格入住馬來西亞酒店時打爛房間的電視機，側田就表示：「我知，有朋友同我講咗，但我哋最近冇聯絡！（冇朋友做？）唔係，男人老狗唔會成日講電話。」

另外，側田原定昨午出席太極樂隊結他手鄧建明（Joey）的演唱會綵排，卻臨時甩底，獨剩許志安為壽星仔Joey賀壽。Joey得知事情後力撐側田說：「今日我生日，呢次就咁算啦！」

側田表示受某記者不禮貌對待，但對方不需要道歉。

太極成員阿德（左）與安仔為Joey送上生日蛋糕。

採訪：音樂組