今年視后戰況激烈，若以天時、地利、人和來計算，佘詩曼演出的劇集《宮心計》恰好於台慶前播出，加上身為「TVB親生女」，故贏盡天時和地利，不過其對手鄧萃雯亦因有不少圈中人擁護，亦有人和之優勢！
袁詠儀：我直頭係黑馬，順應民意梗係揀雯女！佢做《金枝慾孽》嘅時候已經好精彩，《巾幗梟雄》係將佢推到去高峰！如果可以同柴九一齊拎就直情係雙喜臨門啦。
陳法拉：因為自己嚟緊有份演《巾幗梟雄２》，所以依家支持定鄧萃雯先！哈哈。
龔嘉欣：我睇好四奶奶得獎，佢真係好好戲，視帝我揀「柴九」黎耀祥，如果佢哋兩個可以一齊得獎就最好！
馬德鐘：我支持佘詩曼得獎！