崔建邦（Amigo）、唐詩詠昨以情侶檔姿態出席商場煮食活動，詩詠還親餵Amigo食製成品，大晒恩愛。席間Amigo談到好友側田和曹格在街頭打架事件時說：「我尋晚已經知，佢兩個只係愛之深、責之切，（責咩？）係你緊張我，我肉緊你，係關於人生嘅事，但作為公眾人物，佢哋係唔啱，（爭女？）肯定唔係，（曹格攞路牌想打人！）我都嚇親，但肯定佢唔會咁做，係飲咗少少酒火爆啲啫。」
Amigo又謂側田、曹格有時會感性得談天也流淚，問到此事會否警惕自己，Amigo坦言：「會少啲去中環，之前影過兩次，公司都有話過我，（詩詠叫飲少啲？）都會，始終對藝人形象、兄弟情都唔好。」
詩詠被問到會否叫Amigo疏遠側田、曹格時說：「佢兩個都ＯＫ，只係好直接，（直接到打交喎，）我指佢哋有咩事會出聲，做朋友冇所謂，（叫佢飲少啲酒？）都係嘅，適量嘅可以輕鬆，但做藝人，有啲嘢係唔應該做。」