樂壇天后容祖兒入行十周年，十年間無論歌藝與形象都不斷進步，十年人事幾番新，祖兒早前為雜誌擔任封面女郎，細訴由當年的鄰家女孩形象，成為型爆天后的點滴。
祖兒入行至今，由鄰家女孩形象到現在的型爆索女，她稱多得造型師陳華國與髮型師Billy：「我試過bob頭、駁長髮、短髮，甚至染髮都試過唔同顏色，每次感覺都好唔同！」她坦言這十年間無論造型或裝扮都不停求變，為的是給大家帶來新鮮感，更自信地說：「我已徹底擺脫了昔日鄰家女孩的形象！」
工作人員叫苦
祖兒早前穿上Anteprima新裝受訪，她表示作為藝人，深明保養肌膚與聲線的重要性，但饞嘴的她卻偏偏愛上熱氣的「打邊爐」，最終惟有服食維他命或鈣補劑來調理身體，她說：「我個人好專一，最鍾意係打邊爐，我曾經出埠工作，每晚都要整隊工作人員陪我打邊爐，最後大家都頂我唔順，大叫怕怕！」
奉勸少飲為妙
對於側田和曹格在街上大打出手一事，祖兒說：「唔好去咁多夜街，唔好飲咁多酒。我本身好欣賞側田，佢性格真我又率性，佢兩個咁好朋友，可能係有啲誤會，酒精亂咗頭腦，以後唔好喇！」
文：名人組