由李司棋、鍾景輝及陳法拉等主演的《有》劇自播出後口碑不俗，日前有網民發現在第七集的其中一幕中見到鬼影，該幕講到在街上的鍾景輝見到電器舖內的電視正播放李司棋主持的節目，而網民便在電視旁看到一個疑似女鬼鬼影，更有網民留言：「梗係有嗰味嘢睇拍戲啦！」不過，亦有網友反應快，立即到拍攝地點視察，發現只是廣告倒影變成鬧鬼事件，有網友還好有心地將踢爆相立即放上網。

擔心引起恐慌

記者就此事致電監製王心慰，她直言知道此事，而且因播出日期跟盂蘭節相近，為免引起恐慌所以曾叫同事再次查看拍攝現場：「我都有上討論區睇過，之後睇番毛片，其實嗰日拍咗兩個TAKE，另一個TAKE都有個影，仲郁下郁下。」她續表示同事再去拍攝現場時發現對面有一個首飾廣告，而廣告中的女人正是倒影中的樣貌，相信是玻璃倒影，虛驚一場。

倒影一場虛驚

而李司棋在前晚宴請《有》劇的台前幕後，同場的陳法拉則表示在另一新劇中要跳鋼管舞，雖不用太性感但亦感舞步困難。李司棋昨日表示：「我尋晚個飯局度有聽工作人員講過。（盂蘭節？）唔通佢喺度留倩影？不過唔好自己嚇自己，應該係玻璃倒影啫。」

文：影視組