周秀娜近日人氣急升，有感自己身價「今非昔比」，故當邵氏有意邀請她客串演出曾志偉及葉錦鴻執導新片《七十二家租客》，扮演一代性感尤物狄娜時，其經理人公司竟開出「五萬元一組戲」的「荒謬價」，即時令片商咋舌。據悉，由於邵氏「睇中」周秀娜時，她仍未推出噴血寫真及攬枕，當時聯絡她洽談合作亦只是「試價」階段，想不到叫價相當「嚇人」，難怪電影公司隨即打消念頭，更有人不滿表示：「佢當自己係乜？」

「可以叫一千萬架」

事實上周秀娜今次叫價，與往日扮菲律賓人塗黑皮膚、尾段加送比堅尼「娛賓」，客串演出《絕代雙嬌》不能同日而語。據悉，她在《絕》片約佔三、四組戲，當時只收近二萬片酬，想不到一個白鴿轉後即「自抬身價」，所要求的五萬元一組戲實際已等同內地一級女演員張靜初的身價，亦比影后鮑起靜貴，不難想像行內人聞言後的反應。

電影監製方平昨接受電話訪問不禁謂：「價錢冇話合唔合理，你可以叫一千萬㗎，咪日日坐喺屋企囉。」而田啟文亦笑說：「嘩，咁犀利？呢啲嘢冇話值唔值，但我就冇本事請得起佢嘞。」張婉婷則謂：「只係喺報紙見過佢，會唔會合作都要睇角色啱唔啱佢，不過我手頭上暫時就冇角色啱佢嘞。」

志偉阿倫鬥追嘉玲

雖然周秀娜「吊高嚟賣」，不過邵氏方面因為有三張王牌在手，所以電影未開拍票房已「坐定粒六」。邵氏今次邀得曾志偉夥拍譚詠麟鬥追劉嘉玲，亦有傳薛凱琪將參演《七》片，再加上一眾無綫藝員黎耀祥、黃宗澤及胡杏兒等傾巢而出，絕對稱得上星光熠熠。周秀娜「痛失」與志偉等同場機會，未知她最終會否感到後悔？

記者昨聯絡上《七》片監製樂易玲，她否認曾聯絡周秀娜，且謂：「ＴＶＢ咁多藝員，冇諗過外求囉。」不過昨晚記者與周秀娜經理人取得聯絡，對方表示：「係有叫過我哋幫手撐場，不過做乜角色都未知。（開天價？）唓！客串嗰一日，唔通開人十萬九千七咩？（落實咗？）都未開拍，等導演到時打嚟通知囉。」

有傳薛凱琪亦會在新片中佔上一角。	劉嘉玲已有好一段日子沒有拍港產片。	監製樂易玲將在《七》片關照旗下「仔女」。
狄娜一角原有意找周秀娜演繹。

文：影視組