高潮位

問觀眾近年咩事最令廣大市民激情，有人高呼回應：「你老闆！」陸永擦晒鞋指Edison靚仔有錢有才華，照理應該有嘢係用唔到（暗指下體），但自Edison「公開」後，仲要用到街知巷聞。

左起：謝安琪、張繼聰及Ｃ君均被陸永擺上枱講爛gag。

徐濠縈被問到有否付錢買飛捧場時表示：「我畀咗時間睇！」

爆笑位

門票分唔同價錢，全因要畀埋捧場藝人的買飛錢！陸永問徐濠縈有冇畀錢買飛？阿徐強辯：「我畀咗時間睇！」再問謝安琪有冇畀錢買？她無奈答道：「我搵唔到車位，為咗你非法泊車！」最後陸永說：「直接講冇畀錢就得囉！」

鹹濕位

陸永說：「成日聽靚模改名做蘋果、火龍果等等，樣唔好記唔緊要，改名就一定要識。改深啲，可以叫『量子力學』；改功能性啲，可以叫『好熟面口』！依家好多靚模個名後面要加Ｌ一點又或者Ｇ一點，好似睇歐聯咁，不過係有啲幾好波，不過對男人唔公平，點解唔可以話七吋陸永寸爆三吋張繼聰！」

爆料位

陸永大爆拍檔Ｃ君秘聞：「聽人講代號最多就係睇警匪片，好似話：『西瓜！西瓜出緊嚟！Ｃ君快啲截住佢！』（西瓜為Ｃ君女友）仲有Ｃ君都唔係叫Ｃ君，原本係叫ＣＮ，而我原本都唔係叫陸永，係Edison唔畀，我原本想叫『乜春』，咁啲人見到就會講：「呢，嗰個乜春啊！」

攝場位

陸永無喇喇問：「男人同女人點樣先為之合格？女人個胸點先算合格？」然後問李璨琛，李璨琛答：「有得揸手就得，要有安全感！」似乎為「攝場」而設計，難怪反應一般。