競爭激烈

較早前，內地為加速落實汽車普及化，提升全國經濟活躍程度，同時取代老舊廢氣排放量高嘅交通工具，所以推出汽車下鄉政策，如果喺2009年換購1.6公升以下汽車，繳交嘅購置稅將會由原本百分之十，減到百分之五。除此之外，仲有資金上提供補助，令內地嘅汽車銷售量提升不少。

有咁多人可以做車主，梗係帶動汽車銷售行業發展啦！不過，汽車銷售員同好多銷售行業一樣，入職條件唔高，只要外形大方得體，口才了得就可以，所以汽車銷售員呢行好聽就人才濟濟，唔好聽就係僧多粥少。另一方面，做銷售員底薪唔高得去邊，主要收入來源都係佣金。換言之即係多勞多得，呢個因素亦令汽車銷售員為咗搵錢而出盡法寶，當然，係女仔的話，優勢自然會大啲，皆因大部分準車主都係男性，面對嬌滴滴嘅女仔，耳仔多少都會變軟，再加上近期發現有唔少女銷售員為咗業績而出賣色相，準車主仲邊走得甩呀！

春光四射

要令客人有信心，銷售員基本上需要打扮斯文，如果打扮到成個撈女咁，又化濃妝又染金髮，絕對令客人認為佢九成搵笨；另一方面，行為舉止都要大方有禮，咁先可以令客人覺得你態度誠懇，達成交易嘅機會率就大大提高喇！當然，一般準車主都係男人，如果銷售員係女仔就更加容易氹到對方畀錢買車喇！

若然想將成功率進一步提高呢？冇問題，只要打扮得性感少少就可以！上文提及嘅出位女銷售員雖然同樣着上斯文套裝，但係裏面嘅恤衫鈕扣得好低，方便不經意咁露出乳溝，搞到客人睇得眼定定。另外，佢哋條裙上嘅叉位亦開得較高，一邊介紹汽車，一邊於車輛上落嘅時候，一雙修長又白滑嘅美腿就會表露無遺，咁就足以挑起男客人嘅慾念啦！不過，咁都未算最爽，女銷售員見客仔猶豫不決，仲會話：「如果你幫我買車，我可以提供進一步服務㗎！」

外出開餐

女銷售員一般都有幾分姿色，再加上經常露出春光，好多客人都會忍唔住而答應……先享受服務。不過，客人雖然急色，但係都唔可以同銷售員即刻喺車行或車展發生關係，點算呢？熟路嘅女銷售員梗係有門路啦！佢會以試車為名，同阿頭表示客人想睇吓架車性能如何，於是載客人去到外面一個偏僻小角落，然後同客人即席於車廂內大玩車震！如果唔想咁激亦得，女銷售員會載客人到附近嘅時鐘酒店開房，激戰一樣難免。

一般嚟講，客人享受此服務後都唔好意思推搪，於是心滿意足咁幫銷售員買車，大家梗係皆大歡喜啦！但係，唔係個個客人都咁順利，即使曾經一夜夫妻都好，始終有機會變卦，所以有部分女銷售員會同客人直接將自己當係小姐咁，同客人傾好價錢，然後先進行進一步行動，因為咁樣，就算客人後來唔買車，至少自己都有肉金可以補償吖嘛！

撰文：賢