光良憑歌曲《第一次》及《童話》深受港迷歡迎，更獲現任老闆黎明羅致成為旗下藝人，將其歌唱事業推至高峰，事業得意，愛情又如何？光良說：「睇緣分啦，唔可以強求，順其自然，唔係你想有就有。（係咪好難搵另一半？）又唔算，不過當到（緣分）嘅時間一定會好好把握。」

唔想公開戀情

問到會否公開戀情？光良表示不會刻意公開，但如被影到兩人拖手或親暱相片必會承認，他說：「感情係好私隱，兩個人嘅事，公開咗會令感情變質，加埋有啲不必要嘅人喺度討論，咁樣對段感情好唔公平。」光良透露已有四名姪仔，被問到有否衝動想成家立室和做爸爸？他說：「有時會咁諗，不過唔係想就有，或者唔想時可能會發生，好彩我兩個阿哥都生咗兩個仔。」

用心做好音樂

對於市道低迷影響唱片銷量，光良坦言有時會氣餒：「因為有非法下載，最受影響就係歌手。（會唔會影響做音樂質素？）唔會，作為音樂人一定唔會馬虎，相信個個都係好用心去做。」

文：音樂組