Edmond為宣傳新歌《住家丁麵》，早前便拍了兩條煮麵短片放在網上播放，因反應不錯他變了「煮麵廚神」，唱片公司乘勢追擊要Edmond再展廚藝，日前他在食肆大廚指導下，炮製多款fusion即食麵，有「涼拌一丁」、「四季豆肉鬆一丁」和「星洲一丁」，他邊煮邊說：「主持就做得多，自己煮我係極少，我入屋企廚房係得兩樣，就係煮即食麵同攞汽水。」

一絲不苟	大廚教路	梁漢文得大廚及老闆（左）傍住，入廚定過抬油。

入廚多情趣

因有大廚「幫拖」Edmond三兩下手勢便炒出幾款睇得又食得的菜式，他輕鬆的說：「唔難喎，做節目睇得多，都略知程序係點，煮到出嚟真係好有成功感。」並笑言會「打包」給太太Karen品嘗。講到「住家飯」，Edmond坦言婚前他煮多點，婚後就由太太煮多啲，問他可是情趣之一？他說：「都係㗎，總之為另一半去煮都係開心嘅。」

險火燒廚房

說到太太廚藝，Edmond大讚愈來愈進步，笑言Karen還是女朋友時，因對烹飪一竅不通，煮過一餐「全豬宴」險些火燒廚房，惟近年太太廚技已有改善，煮早餐最一流：「佢煮嘅火腿奄列超得，一邊蛋面係脆口，一邊就係未熟嘅蛋黃流出嚟，加埋火腿絲，外面食都冇咁高水準呀！」

文：音樂組

場地：王子酒店東來居