不少靚模趁暑假推出露肉寫真集，Square四子亦推出寫真集《360°》，不讓G模專美。寫真集中四子赤膊上陣大騷肌肉，更輪流晒點益fans，勢必引起搶購熱潮。

四子以不同姿態示人，表現出不同角度的帥氣。

Square露點示人與　模較量，明益一班fans。

送一本畀舒淇

為了以最佳狀態示人，拍攝前Gary每日狂操六小時，拍攝期間更利用空餘時間做掌上壓力谷三頭肌，他說：「今次喺沙灘拍唔使去曬燈，曬黑咗又唔會畀經理人鬧，簡直係優差。佢哋成日笑我有黃蜂腰，今次不容有失，到時露腩畀人笑就唔好啦。」由於拍攝時在公眾泳灘取景，四子不時被泳客偷望，問James有否借機女？他笑言：「人哋望我梗係要望番人啦，我哋有禮貌㗎。」他又表示會送一本給舒淇，但希望對方會自掏腰包支持。

難忘景色如畫

寫真集除了在沙灘取景外，四子又到了澳門的酒店拍攝室內景。Rex表示在酒店的露天地方取景時，看見藍天白雲，景色像畫一般漂亮，令他非常難忘。另外，他們又到具有懷舊風味的大街取景，Brian坦言行程豐富，比旅行更為開心，他說：「每日拍足24小時，就算打呵欠都要打得有型啲。」

文：影視組