昨日名模Rosemary及「日版Paris Hilton」日模椋名凜（Rin）以性感啤酒女郎打扮，出席「蘭桂坊啤酒節」活動。兩女身材同樣驕人，不過因Rin的衫領較低，加上頻頻烏身露出誘人身段較為突出。而「蘭桂坊之父」盛智文跟兩位美女合照時，不但輕扶纖腰左擁右抱，更主動向兩女先後獻吻，她們亦十分識做齊齊回吻對方，不過事後Rin笑言被盛智文親吻時真的有點尷尬。

工作量多唔怕競爭

自言剛從越南工作回來的Rosemary，大讚Rin身材好，且有一雙漂亮的眼睛。對於G模成行成市，問她會否影響飯碗？她說：「我都係啱啱返嚟，未見得晒咁多（G模），對我嚟講無影響，因為我由舊年到依家都有好多工作，無論外地同香港都有。依家當係新階段，唔怕有競爭，（愛情有無新階段？）我依家暫停約會，專心工作。」另外，她表示無聽過周汶錡男友偷食一事：「佢係strong woman，識點樣handle。」

至於擔任司儀的張學潤說其形象設計學校招生，並感謝莊思敏未問酬勞即說要幫手擔任導師。

文：名人組