劉心悠及曾志偉昨出席奇華餅家活動，同場還有一位日籍男模特兒，問心悠該男模是否具備她揀男友的條件？她說：「做朋友ＯＫ嘅，做男友就要深入認識，（要有安全感？）係，講大話都要有說服力，兩個人相處最緊要有信心，以前啲男友都好老實。」
問心悠拍了多次嫁女餅廣告，會否恨結婚？她謂：「呢啲唔可以急，香港同台灣朋友都唔多，依家親戚朋友不停介紹相睇，不過都係食餐飯，當朋友先。」心悠表示已四年沒拍拖，問有否圈中人適合她？她說：「圈中人通常合作完就冇聯絡。」
至於志偉，記者問他女兒曾寶儀是否結婚？他說：「未，（想唔想？）好難講，最緊要佢鍾意，佢拍咗拖好耐，個男仔我早就見過，早就過關。」志偉又說不心急抱孫，他日前才跟二女的女兒傾偈，亦看過孫女表演芭蕾舞。