林熙蕾（蕾蕾）和朱孝天的緋聞傳了多年，昨日她終於承認二人的戀人關係，公開確認孝天男朋友的「名分」，還說希望一、兩年後結婚，可是對方仍未向她求婚！對台灣女星楊謹華默認曾與孝天拍拖，她不會過問男友過去，只會看現在和將來。
蕾蕾和孝天一起多年，多次傳出婚訊，但二人從未承認過彼此的關係，昨日蕾蕾為Parfums Christian Dior全新美妍概念專門店開幕禮擔任主禮嘉賓時，終親口確認孝天的男友身份，首次正式公開兩人的戀情，還表示希望一、兩年後結婚。
婚期定兩年後
最近蕾蕾接了從影以來第一部古裝片，並和楊紫瓊合作，感到十分開心，戲中她會飾演俠女，有武打場面，問到男友可會擔心她受傷？她反問記者說：「邊個男朋友？（朱孝天。）都會有少少擔心，家人都會擔心。（叫他教你耍太極？）如果有時間就會。」蕾蕾亦擔心拍戲受傷，所以會很小心，還買了八位數字的保險。
問蕾蕾是否感情已穩定才承認戀情？她說：「之前太多嘢傳出嚟，唔想解釋，都係睇timing。（婚期係幾時？）傳我嘅婚期已經傳到冇感覺。（已經老夫老妻？）黐線，梗係唔係。好多嘢都要結咗婚先算。（有冇計劃結婚？）我希望一、兩年之後結婚，不過都要睇緣分。（男友求咗婚未？）未，唔好再問喇。（要唔要鑽戒同跪地？）唔使，最緊要有心。」
不問男友過去
早前台灣女星楊謹華默認曾與孝天拍拖，蕾蕾說不會理會男友的過去：「我唔識佢（楊謹華），亦唔會問男朋友嘅過去，係佢哋嘅事。我從來唔會問男朋友以前嘅嘢，我自己都有過去，我淨係睇現在同將來。」
文：名人組