陳志健（Otto）當選無綫《香港先生選舉》後，身形一直保持在理想狀態，但就偏向大隻，不過，Otto得《香》贊助之纖體公司幫手，終於打造了一副他視為前所未見的「鋼條」身形，Otto謂：「今次用咗兩個月時間去操，瘦咗三十磅，腹肌排朱古力出晒嚟，老闆娘都讚我個身形都有番線條，仲fit過參選時。」
今次落足心機去操，Otto稱是因禍得福。早前Otto拍無綫新劇《施公奇案Ⅱ》因撞傷腰骨，所以有一段時間不能做運動而增肥了不少，後來他到贊助之纖體公司時，老闆娘建議他改「做機」，所以Otto不費體力，便有這個效果。他笑謂：「我未瘦時，幫林峯拍一個MV，身形轉變都唔覺，但瘦咗後拍《杏林心處》演一名智障者，就好啱個角色囉。」