本文重點
憑與余文樂拍攝電影《青苔》而為人所熟悉的冼色麗（Bonnie），近日開始進軍樂壇，更得到梁詠琪御用填詞人陳少琪為她做歌曲監製，令她心情大為緊張！
冼色麗剛在內地拍畢電影《窈窕紳士》，在片中飾演孫紅蕾表妹的Bonnie自言因此而令自己的普通話大有進步，她說︰「去廈門拍咗兩個星期，因為戲裏面嘅角色不斷要用東北腔講嘢，所以連本身普通話都叻咗好多！」Bonnie又透露即將在七月尾拍攝一套關於跳舞的新戲，因此最近要密集式練習跳舞，她說︰「我之前從未學過跳舞，所以今年最想達成嘅目標就係跳好啲舞，可以喺套戲度發揮得好啲！」
望多拍內心戲
問到Bonnie最渴望飾演甚麼角色時，她說︰「最想梗係拍多啲有內心戲嘅角色，好似《青苔》咁，多啲機會發揮，不過由入行到依家我都想盡量做好自己本分先！」剛開始加入樂壇的Bonnie對於第一首歌便能有著名歌曲監製陳少琪相助，受寵若驚的Bonnie說︰「其實都好緊張，不過之前拍咗幾套戲都有唱啲主題歌，公司聽過之後覺得OK，所以就畀機會我試吓！」
採訪︰專案組
攝影︰沈健程
服飾︰EQ:IQ、CAROLINNA ESPINOSA@STGE
髮型︰Nick@O4 Orient4 Group
場地︰中西花店