本文重點
人氣女歌手謝安琪（Kay）與視帝陳豪昨日為紅十字會拍攝短片，對於閉關多時的好友關楚耀（Kelvin）日前再度現身，Kay大方指對方已不會再浪費時間「喺啲無謂嘢度」，力撐Kelvin於年尾復出！
剛完成首個紅館個唱的Kay，昨日夥拍陳豪為香港紅十字會拍攝全新宣傳短片，惹來大批外傭與龍友圍觀，Kay更笑言很開心與陳豪合作，因身邊很多人包括自己的助手也是陳豪fans。
與Kay老友鬼鬼的Kelvin，自捲入「吸毒事件」回港後，一直困守在家中。日前本報拍得Kelvin盡顯孝心與母親飲茶，對於Kelvin「再現」，一直對Kelvin寵愛有加的Kay說：「係呀，佢同媽咪食飯，我哋都有聯絡，佢已經重新開始佢嘅音樂事業！」
約飯局趁機見面
Kay表示稍後亦會相約Kelvin進餐，續說：「遲少少啦，自己就嚟要去德國拍嘢，等我返嚟約佢出嚟收手信囉！」至於有傳Kelvin會於年尾重返樂壇，Kay表示支持說：「我都係睇報紙，公司冇講。（年尾係好時機？）呢啲公司會安排！」Kay更大方透露Kelvin近況說：「喺電話中聽到佢好積極，唔會再嘥時間喺啲無謂嘢度，把握機會充實自己！」
Kay又言公司與她亦會全力支持Kelvin，Kay更稱若對方落實復出，會主動向公司提議合唱：「我同佢鍾意嘅音樂類型好似，上次係featuring，唱得好少，（用Kelvin作品？）如果有適合嘅都會呀。」此外，飾演醫生的陳豪就做足功課，宣揚捐血訊息，計劃組織fans齊齊捐血。
文：音樂組