韓君婷和周美欣昨日出席太陽廣場舉行的「新地首屆龍舟拔河大賽」，又即場示範包糉。韓君婷以瘦削身形示人，她否認再次染上厭食症，強調精神狀況沒問題，只是食極都唔肥。問到早前她失場隆胸代言人的記者會，她解釋是因病缺席，加上現在放兩個月長假陪母親，所有問題容後再算。問到會否承擔當日損失，她說：「咁我要賣身喎，最多隆多幾吋補數。」她坦言假期後會實行隆胸代言人工作，她說：「我喺呢行咁多年，美容同身體上嘅廣告係動力，點避得過喎。」
同場，選美出身的周美欣身穿吊帶上衣和熱褲，對於有今屆港姐面試佳麗指評判無禮，她說：「一定唔會，我記得當年面試有樂小姐（樂易玲）等人，當年個個都好友善，唔覺得有問題。其實佢哋都好專業，唔會咁講。（佳麗質數差所致？）年年都話低，其實我當年面試都冇見報，會睇漏眼㗎。」