Edison昨午三時許先往鰂魚涌公司開會，約三至四小時後才離開往香港酒店與家人吃飯。有份開會的DJ Tommy，未肯透露Edison回港原因及何時離去，只表示二人全程以傾公事為主。
見記者封口
昨日是端午節，Edison昨晚與父親陳澤民、大家姐及二家姐陳見飛同到尖沙咀香港酒店夜上海晚膳做節。
至九時半Edison先與二家姐陳見飛離開，Edison父親與大家姐則由秘道走人。面對現場半百記者，Edison面不改容，問他是否慶祝父親節？他禮貌說：「我係同爹哋食飯。（對史可雋判刑滿唔滿意？）呢件事我唔想再講。」記者再問Edison會否擔心人身安全？他只叫記者讓他上車。其後Edison與陳見飛一同登車返下榻酒店。酒店已有記者守候，甫下車的Edison對於所有提問依然充耳不聞，並由酒店保安及助手掩護他入
。陳見飛在酒店門外等朋友接載，問她是否慶祝父親節？她說：「做節食飯啫。」之後農夫的陸永曾到酒店找Edison。
何超儀昨出席Kiehl's活動，透露將與Edison見面：「我哋一直有聯絡，佢講過會返嚟，但唔知幾時。（佢返嚟做乜？）做嘢囉，過兩日我都會同佢開會，因為我簽咗佢間經理人公司，到時會傾唱歌或其他工作大計。」記者笑問Edison回來怕不怕危險？超儀說：「有我喺度就冇嘢啦！（叫你爸爸借啲保鏢畀佢？）叫佢着住防彈衣啦，（你爸爸話有架防彈車。）佢真係咁講？乜佢咁戇居同人講自己有架防彈車㗎？」
公司將搬遷
本報記者昨到Edison於中環的公司，發現他已搬竇，現場有三十多個已包好的紙皮箱。
至於Edison在銅鑼灣的潮店則照常營業，職員說不知老闆回港。記者致電Edison公司公關，她承認搬公司一事：「依家執緊嘢，幾時搬未知，不過搬去邊就唔方便講，總之都會喺番香港區。（Edison返嚟係咪因為搬公司？）唔係，佢仲有自己嘢搞。」昨日記者在Edison下榻的酒店等候時巧遇查小欣前來晚膳，她表示會發短訊問對方可會受訪。
另邊廂，昨晚狄波拉與老公及謝賢到福臨門食飯，記者問她知否Edsion回港？各人均沒回應。眾人離開時，記者再問知否Edison返港？四哥火爆說：「你哋係咪新嚟？」繼而上車離開。
文：名人組 攝：追蹤組