胡定欣打消日本遊

胡定欣昨日出席母親節活動，並與小妹妹合力裝飾小盆栽，作為送給母親的小禮物，待稍後時間看看母親需要甚麼才再補送。雖然母親節要於工作中度過，但定欣已騰出晚上時間與媽咪食飯慶祝，問到會否帶男友給母親過目？定欣笑謂：「我都冇男朋友，媽咪最想係我同佢食飯啫！因為我哋唔係一齊住，所以佢好緊張我啲湯水。（煲畀邊個飲？）梗係我啦！（唔係馬國明咩？）唔係喎！」談到近排豬流感肆虐，日本更有確診個案，定欣表示早前曾想過到當地旅遊，但最後因Budget問題打消念頭。