蔡卓妍（阿Sa）與鄭中基（Ronald）已是半公開的一對，近日屢傳阿Sa將任Ronald主持節目的嘉賓，但卻一直只聞樓梯響，前晚伊人出席公開活動時，賣關子說一切安排中，雖然預料屆時會成被玩對象，但仍望Ronald公平公正，切勿偏心給予高分，認真甜蜜。
阿Sa、李克勤、張敬軒、鍾舒漫、裕美及賈曉晨等，前晚出席「第二屆全港運動會開幕典禮」，記者問戀情浮面的阿Sa是否會亮相Ronald主持的《美女廚房》？她說公司會安排，只要檔期許可便會配合：「預咗畀人玩，惟有犧牲小我，完成大我！（Ronald實偏心畀高分？）我識煮嘢，唔需要特別對待，好食就好食，唔好食咪唔好食，最重要係真。煮唔係大問題，但要對住咁多觀眾會緊張。」
新唱片加印
再問阿Sa會否找Ronald做助廚？她說：「佢係主持喎，我會揀Mani，（三個主持要你揀一個。）梗係通殺，邊有人嫌多？咁小方搵邊個？我係咪講多咗？」
同時，阿Sa新碟《二缺一》推出短短日子銷量已達白金數字，英皇隨即加推第二版限量五千張唱片，碟內還附送八款明信片，阿Sa對此表現興奮，並表示會繼續努力報答歌迷。
克勤賀阿姐
另外，克勤透露與汪明荃是鄰居，日前已傳短訊恭賀對方新婚之喜，待一對新人回港後會相約食飯，克勤續說：「以前阿姐都會過嚟探我個仔同食飯，我覺得佢搵我哋攝期，依家有家英哥唔使攝啦。」
文：影視組