寇鴻萍昨日出席查小欣主持的「星級型媽選舉」活動，嘉賓之一的寇鴻萍表示已收到兩個女兒送的母親節禮物，下周更與老公到北海道旅行。對於老公梁廷鏘的「醉擒事件」，寇鴻萍表示老公已變乖：「已經嬲完佢，條氣落咗，本來唔多想講，等件事淡忘，但又寫偷食又話扮恩愛，咁件事未發生前我哋成日一齊出街，今次佢飲醉酒斷咗片，佢都好驚，唔知自己做過乜，我話斷片唔代表對自己做過嘅事唔使負責任，呢次對佢影響好大，令佢唔敢再飲醉。」
寇鴻萍更出言力撐老公非「偷食」，她謂：「攬住邊叫偷食？咁好多時影相都攬住，又叫偷食咩？呢樣我支持佢！」老公話怕你要離婚？她謂：「因為我好惡，我見到啲相都好震撼，一般太太係好難接受，但因為我同主禱告先可以冷靜處理。」
同場的曾華倩透露兒子早上參加學界游泳比賽，但由於有工作在身，未能全程為兒子打氣，沒想到最後兒子取得兩面金牌，還將之作為母親節禮物送給她，令華倩驚喜非常。