容祖兒（Joey）昨日將母親對她的愛傳送，偕歌迷慶祝母親節兼舉行新碟簽名會，向來對Joey寵愛有加的經理人霍汶希（Mani），以特別嘉賓身份現身，接受Joey情深一吻，場面溫馨。
昨日是母親節，Joey於荃灣廣場舉行新碟簽名會，五百名歌迷蜂擁而至，走入人群派海報的Joey，被重重包圍場面混亂，幸沒發生意外。席上Joey與歌迷玩遊戲，散播母愛。
Joey入行十年，期間一直在其身邊支持她的英皇唱片及藝人管理部總監Mani，以特別嘉賓現身簽名會，Mani除接受Joey獻花與親吻，又為Joey再送驚喜，送上價值六位數字的鑽石首飾，供Joey轉贈母親。
抹手防流感
Joey透露會四代同堂食晚飯慶祝母親節，並已為媽媽送上窩心大禮：「尋晚（前晚）幫媽咪揼骨，今朝起身飛撲熊抱佢，佢都有啲唔習慣我咁熱情，暈晒浪！」Joey已計劃稍後與母親遊日本，並想母親增磅：「佢呢排成日話肥咗，但我鍾意佢肥啲，健康啲，所以會繼續谷肥佢。」問Joey母親最希望收到甚麼禮物？她說：「可能落廚整一餐畀佢食啦，其實飲晒佢煲畀我嘅湯佢就開心。」問Mani會否有禮物？Joey說將送上手袋。
同時，由於豬流感肆虐，Joey在簽名會前以消毒紙巾抹手，並預備消毒洗手液供歌迷洗手。
霆媽讚新抱
此外，Joey師弟陳偉霆（William）昨孖住母親出席活動，他說：「母親節可以同媽咪一齊出席活動好開心，份酬勞梗係畀晒佢。之前已經送咗部手提電話畀佢做禮物，佢都好鍾意。」至於陳媽媽就大讚「疑似」未來新抱Angelababy又乖又靚女，大爆對方有拜年之餘，更說：「好滿意，佢係個好女仔（贊成拍拖？）William有眼光，不過都係事業為重。」
採訪：音樂組