廖碧兒、曾志偉及錢嘉樂等昨出席藍灣廣場舉行的《福幼Q版籌款箱巡迴演》，早前推出狗仔書的碧兒，把所得之五萬元收益全數捐作慈善用途，她透露望日後能繼續出書，多做慈善。
談到緋聞男友陳豪日前透露有意閃電結婚，碧兒說：「都係睇報紙先知（有冇同你講過？）冇，我淨係傳短訊講生日快樂。（有冇送生日禮物？）冇，我都唔喺香港（會唔會補送？）短訊得啦，禮物不嬲都唔係生日先送。」碧兒坦言未想過將來會否閃電結婚，相反現時最着緊弟弟結婚。
另外，志偉對於有傳他會接拍邵氏新片《七十三家租客》，他說會任監製，但未知會否演出，並指演員方面會全權交由無綫高層樂易玲負責。志偉續說，可能會找以前《七十二家房客》的演員客串。
