汪明荃擔正的百老匯式歌舞喜劇《真係阿姐—汪明荃》前晚公演，吸引胡杏兒一家、翁嘉穗夫婦、趙雅芝夫婦等捧場，阿姐坐於大吊燈上出場，勁歌熱舞，男友羅家英則不斷大搞氣氛，首先身穿大紅心衞衣出場，並替阿姐鬆膊溫馨一番，又以傻豬豬及Baby稱呼阿姐，逗得台下笑聲連連，及後羅家英手拿道具花唱出《我向你求婚》向阿姐求婚，現場亦播出《結婚進行曲》來配合。
阿姐在一段16分鐘的剖白環節中大談人生經歷，阿姐直言對未能當上媽媽，導致不懂與小朋友溝通感遺憾。及後阿姐再換上一襲黑色吊帶晚裝獻唱經典金曲，但期間左邊吊帶突然斷開，不過見慣大場面的她處變不驚，繼續演出。
事後問阿姐是否好想做媽咪？她說：「女人可以有生育過程，對後代嚟講係好啲嘅。（當時係咪因為事業冇生BB？）咁又唔可以強求。（領養啦！）都唔係自己生，唔係嗰種感覺，而且年紀大都唔畀領養啦！」談到羅家英於台上求婚，但阿姐未有答應，問到尾場再度上演時會否答應？阿姐亦笑笑口表示不會。