伊能靜接受《志雲飯局》訪問，開腔談及她與庾澄慶（哈林）的二十年感情。原來當日她為維繫彼此關係，不惜放棄了港、日市場，甚至推卻了侯孝賢找她演出電影的機會。她又自爆曾有兩年不停向哈林明示、暗示「強迫」對方娶自己，最終「願望成真」卻發現「慢慢冇咗自己」，婚姻生活最終落幕。問到伊能靜是否仍深愛哈林時，她坦言：「總之佢永遠會以某種形式活喺我嘅生命之中……呢個（指離婚）係我嘅選擇，就算他日孤單、老病死冇人理，我都甘心！」
談及與黃維德的緋聞，伊能靜強調離婚與第三者無關。她又還庾媽媽一個公道：「我好多謝奶奶對我嘅寬容，佢係一個好媽咪，值得囝囝咁孝順佢。」至於兒子哈利，伊能靜只望他在一個最舒服的環境中，無意與哈林爭撫養權。
此外，黃維德被傳因形象問題，被黃立行代替他走北京時裝騷，一小時內獲三十萬人民幣酬勞。對被指因緋聞而失掉工作，黃維德的經理人昨否認說：「係意大利一個品牌搵我哋先，同樣都係三十萬酬勞，但黃維德好鍾意嗰個牌子，所以揀咗嗰個。」