李彩華（Rain）前晚出席緋聞男友王傲山任職總理的仁愛堂活動，並擔任仁愛大使，不過兩人卻此地無銀拒絕合照；Rain更拿戀情來開玩笑，揚言若有人肯捐錢就不介意與男友合唱，地下情逐漸浮上面！
前晚仁愛堂舉行「董事局就職晚宴」，多位仁愛大使應邀出席，包括有李彩華、鄭融、朱茵、劉心悠、蘇永康及李蘢怡等。其中有位仁愛堂總理「男友」的Rain特別風騷，問到是否男友邀請她出任大使？她即口快快回應說：「唔關佢事，佢搵我公司嘅！」記者笑她是否承認戀情？她即口窒說：「唔係呀，我意思係仁愛堂搵我公司！」愈兜愈亂的Rain，惟有不斷傻笑。
王傲山拒合照
Rain透露是晚會與主席合唱一曲《帝女花》，她說：「我上網搵晒所有唱過《帝女花》嘅版本嚟聽，（唔想丟男友架？）唔係，我只係為咗一顆慈善之心啫！（同男友一齊合唱？）如果有人捐好多錢又唔介意！」記者笑她春風滿面，她即撒嬌說：「即係話我以前樣衰啫！」而王傲山被記者邀請與女友合照時，即避忌說：「唔好喇！」但與其他嘉賓合照卻無任歡迎，擺明此地無銀。
朱茵有愛冇性
同場的朱茵被問到好姊妹洪欣結婚有否令她萌生衝動？她表示抗拒結婚，認為結婚細節太過繁複，可免則免，只要兩人開心便足夠。對於她一直拒絕婚前性行為，男友黃貫中豈不要一等再等？朱茵聽罷尷尬地說：「呢啲嘢唔好喺度講！」另外對於前緋聞男友周星馳近日被網民圍剿？她表示對此事保持緘默，不欲加把口。
採訪：名人組