琦琦告誡靚模珍惜前途

前晚時裝店H&M旗艦店開幕並舉行派對，吸引不少模特兒及明星捧場，包括琦琦、諸葛梓岐（Marie）、Ana R.、Lisa S.、Rosemary及傅明憲等，場面熱鬧。

Lisa S.以短裙現身，大晒長腿。	Ana R.到蘭桂坊參加朋友的生日派對，表現風騷。	諸葛梓岐亦認為Kama的助手不應搶去別人的座位。

唔好影響啲客

近日靚模是非不絕，身為模界大家姐的琦琦直指理唔到咁多，要由她們自己解決。她以前輩的身份說：「我可以好驕傲咁講我喺呢行最多模特兒朋友，其實多個朋友好過多個敵人。最重要係做好份工，唔好影響到啲客，模特兒畀人嘅感覺唔應該係負面。」琦琦續說新一代的模特兒很幸運，她們應該感恩，更告誡眾模：「唔好搞咁多是非，有時間不如返教堂聽下禱告。」

Rosemary單拖出席時裝店的派對，身旁卻未見男友。

傅明憲未有接受傳媒訪問就匆匆進場。

有實力唔靠搏

而身為靚模之一的Marie就為Kama及Angelababy說好話，她說﹕「Kama畀人咁寫好慘，但其實又唔關Angelababy事。」對於Kama助手爭櫈一事，Marie不願多談，只說：「坐咗人哋個位唔係太好。」有記者指Kama很「搏」，問Marie會否覺輸蝕？她即表示：「我想專注工作，有實力唔需要靠呢啲。」

另外，Ana R.出席活動後在蘭桂坊現身，她表示剛去完朋友的生日派對。見Ana頸上戴着一條寫有「I Hate You」字樣的頸鏈，但她卻拒絕透露憎恨的對象。

文：名人組