蔡卓妍（阿Sa）昨日冒雨為慈善活動唱足四十分鐘，她受訪時再被問到何時到緋聞男友鄭中基（Ronald）主持的《美女廚房》任嘉賓，以防美少女廚神埋Ronald身，阿Sa淡定表示未驚過。
阿Sa昨日以「饑饉之星」身份帶領四千名《饑饉30 2009》營友宣誓，並舉行四十分鐘音樂會，期間雖然下着雨，仍無損阿Sa心情，她大唱Twins經典歌，隨後率領農夫、鄧紫棋（G.E.M.）、Mr.等舉行「封鞋儀式」，感受貧苦。
甜笑兼面紅
阿Sa受訪時，記者問她何時現身《美女廚房》，以防如Rainbow等的美少女廚神埋Ronald身，阿Sa淡定說：「我有好多Rambo！」被追問是否Ronald比較擔心？阿Sa即滿面通紅，之後更甜笑反擊說：「件衫橙色反光啫，（十個Rambo都唔及一個Ronald？）我乜都聽唔到，（人哋話鍾意食腍啲嘅麵喎？）我唔知，我煮過好多嘢畀各方好友食！」
記者再問阿Sa是美女廚神，還是地獄廚神？她抵死說：「可唔可以唔做美女，型女好聽啲。」談到好姊妹鍾欣桐與麥浚龍分手，阿Sa說不回應，她又說阿嬌心情沒異樣，又透露與阿嬌前後腳到北京工作，可惜時間關係緣慳一面。
攞獎遇好友
此外，阿Sa日前穿性感裝束現身內地頒獎禮，並取得優異成績，期間她又遇到一班《武俠梁祝》的好友。當日阿Sa受訪時，被問Twins哪個較紅？她說：「我哋係組合，兩個都一樣。」談到Twins重組，阿Sa就說與阿嬌只是暫時分開。對於有傳王菲復出，阿Sa說：「好開心，佢係我最鍾意嘅女歌手（對你有衝擊？）唔會諗呢個，冇人可以取代佢地位。」
同場的吳雨霏（Kary）就為同公司的鄧麗欣及傅穎捲入走音事件平反，她說：「佢哋都係好努力嘅歌手，希望大家都可以畀機會佢哋，唔好針對。」
文：音樂組