性感(o靚)模人才輩出，第一代動漫Maggie（李曼筠）封胸避戰，不惜紮胸拜樊少皇為師練功夫，避開胸前動盪誘惑，專心練好拳腳，為自己爭一席位置。
動漫Maggie（李曼筠）被視為本土(o靚)模前輩，隨着最近惹火(o靚)模人才輩出，胸戰升級之際，李曼筠前晚出席《地球毀滅密碼》首映卻以密實背心襯短褲示人，只在有意無意間露Bra帶誘人，將豐滿上圍全面封鎖，被問到是否封胸？她說：「唔係，唔同場合着唔同衫。（係咪避戰呀？）唔係，我一向都係獨立，努力做好自己，至於競爭嘅嘢到處都有，唔止做呢行。（咁你有冇畀人蝦？）自己好幸運，同台前幕後合作都好開心。」
紮胸防止動蕩
未踏入夏天，一眾好身材的(o靚)模爭相靠胸戰出位，李曼筠卻計劃以拳腳打天下，她說：「我跟樊少皇學功夫，要練一字馬同拉筋，好辛苦，搞到我冇晒胃口，瘦咗添，依家要紮住胸學功夫，因為太大墜住晒。（有冇紮到變形？）冇，紮住胸做運動方便啲，以前太動蕩，依家可以專心啲，但都試過紮胸紗布跌落嚟。」
翠翠懶理被踩
同場的葉翠翠則透露在新劇《宮心計》要跳蛇舞扭蛇腰，現在要努力保持條蛇腰夠靚，另外，她被問到袁彌明在訪問中明踩她選港姐時已博出位，對此葉翠翠一概以「唔緊要，唔會介意，冇所謂及沒有回應」作答。
文：影視組